kaka'L@m 護膚櫃

Innisfree 濟洲火山泥毛孔緊緻爽膚水13ml係我買火山泥面膜戈時送ge,
加入咗濟洲火山泥及有機農成份,
係清潔毛孔同時做到保濕ge效果



點解枝爽膚水會有泡呢?? 係因為我影相之前搖過佢黎,
其實佢平時係會見到有層灰沉係樽底度, 戈啲就係火山泥成份,
火山泥成份有效清潔毛孔, 防止污垢塞係毛孔導致佢發炎,
所以用之前一定要搖勻佢!!



倒咗出黎係水狀, 有好淡好淡ge灰色

 

因為佢係清潔類ge爽膚水, 所以一般都會加化妝棉黎用, 加強個清潔效果,
平時間水貨店個ba會叫我係敷火山泥之前用,
咁可以加強火山泥清楚毛孔內污垢ge效果.

如果平時就咁當爽膚水用的話, 我會覺得夏天出油較多ge程況下比較適合,
冬天用個人認為會太乾, 用後一定要加多層保濕爽膚水先得,
可能係我本身膚質問題, 就算夏天都唔會話出好多油戈種,
所以我覺得當佢基礎護理用個效果好似唔大, 反而clinique無酒精戈枝效果明顯啲,
我認為呢枝爽膚水係火山泥之前用先發揮到佢最大ge效能,
不過都唔算係必需ge護膚品.


題外話: 香港終於開咗innisfree, 幾時到澳門呢???
我平時買開戈間水貨舖係上年七月執咗之後,
我就要托上托叫人係韓國幫我買返黎啦,
而且係網上見到香港個價同韓國唔會差好多, 去香港又方便,
補貨都方便好多, 最重要係可以好快試到佢啲新產品!!!
對於innisfree fans ge我而言真係天大喜訊呀!!!!

*所有圖片均為LAMA實物拍攝, 請尊重blog主, 切勿盜圖*