kaka'L@m 護膚櫃

呢兩個月ge進度都比我拖慢咗好多,
好!!!! 我要追返d進度先,
我發現我個photo album實在有太多太多相,
但係我太懶擺咗係度好耐都無打文,
明明用戈時係new products, 而家變到old到唔old lor,

追返個進度, 交返11月空瓶文先.
我上個月講過11月真係超忙,
個人攰到夜晚返到屋企卸完妝, 洗完面就訓覺,
lotion都無搽, 朝早又係, 爭取每分每秒訓覺的時間,
所以起身又係防曬都無搽就返工,

真係唔好講笑, 每年十一月到十二月頭都係我最忙ge日子,
日日朝十晚十一, 仲要週休都要加班,
今年仲要係呢個最忙ge時間屋企暗喉爆咗, 要進行小遷徙行動,
係一日之內遷完繼續工作, 做多兩日仲疲勞過度埋tim,
好難得今個星期有一日可以放慢腳步, 快d交返今個月ge空瓶系列先!!!

過咗大半個月, 搞掂咗寶貝仔nathan生日會,
終於有時間打一打9月空瓶啦,
其實10月都已經出現咗好多空瓶!!!
清潔類,
有大家好熟悉ge植村秀漢粹美白卸妝油,
其實我之前一向都有試過佢d sample, 但係我同佢好似真係有d唔夾,
次次用基本上都會出暗粒, 今次呢枝其實係卓悅買ge中size sample, mop48/50ml,
個人覺得幾抵, 同埋呢枝sample係出口去台灣戈邊, 標示好清楚, 寫明2014年3月先到期,
唯一疑問係卓悅點解會返到進口台灣ge samples,
其實我係會上粉底ge時候先會用卸妝油, 其餘時間只係用卸妝啫喱或凝膠黎卸防曬同base.
我諗植村秀卸妝油我都係逃唔過出暗粒ge命運ga,
因為我一路用都係一路keep住出暗粒!!!!
所以快快手手用完就算.
biore溫和水嫩洗面膏應該都係超多人用過, 我係佢轉新裝戈時萬寧買ge, 兩枝貨size一枝旅行size同黑頭貼先係mop49.9,
真係超抵用, 其實佢一次只需要用3cm長度就可以起到好多泡,
至於我用得咁快ge原因係我body防曬太難卸, 所以每日都用埋佢黎清潔對手.
用完佢洗面之後乾淨唔怕太乾, 又平,
但係缺點就係人工香料味太重, 雖然我無睇過成份表,
不過一聞就知係人工香料, 本人勁唔buy, 所以就算平都好, 我都未必會回購!!

Caudalie 葡萄籽雪芭保濕面霜 Vinosource sorbet-cream, 呢個係舊包裝,
佢好似啱啱換過哂個包裝, 而家呢枝cream變咗做玻璃樽.
買戈時莎莎咁啱出咗set裝, 有40ml葡萄籽雪芭保濕面霜, 50ml葡萄籽保濕噴霧, 有枝handcream同埋洗面乳,
但都只係呢枝保濕面霜ge貨裝價錢, mop280, 真係好抵.
(不過換咗新包裝而家賣緊mop298/40ml)
其實我買呢枝cream係因為睇咗女人我最大介紹,
柳燕話雪糕質地的面霜質量係最高同最保濕ge,
雖然Caudalie呢條line係主打保濕,
但係大家都知道葡萄籽係抗氧化聖物, 可延緩皮膚衰老同減輕日常紫外線對皮膚ge傷害.

睇黎我ge惰性真係永遠都改唔到，
不過其實今個月真係幾忙，因為公司有大型活動搞，
自己又去咗上海，所以拖到而家先過咗d相落部電腦度。
居然同我全部倒轉哂d相ge次序！！＝＝
呢套就係去粉刺好出名ge　mp３，係台灣st　clare品牌，
一年前係萬寧買係mop１３９一set，
第一步係粉刺柔化劑，認認真係用呢一枝按摩足三分鐘，個效果真係會好d，
第二步就係粉刺面膜啦，要厚厚敷到見唔到毛孔先有用，亦都因為咁，要等成個幾鐘個面膜先全乾，可以撕得；
第三步就係收毛孔精華，其實我覺得呢枝功效唔大，不過既然佢一set咁就一齊用。
呢set野我用咗差唔多一年先用哂，唔係因為佢容量多，只係需時太耐，我真係無咩心機敷咁耐，
最後總共用咗三次ko咗佢，雖然係去到粉刺，但係我唔會回購。

我只能說我真係太懶了, 基本上我每樣用過ge護膚品都會影低佢,
因為有一顆熊心壯志相信自己有朝一日可以打完呢d文,
但係隨住時間ge流逝, 相片海量地增加, 但文章十年都唔會更新一次,
但係我真係好愛護膚品, 好想同大家分享我用過ge野.

L'occitane呢個牌子相信每位女士都非常之熟悉, 係法國的護膚品牌,
佢ge護手霜尤其出名, 大部分女士都用果,
而佢ge乳油木果護手霜更係日本街頭及名模人手一枝的必備品.
我自己都試過好多護手霜, 但始終都係覺得L'occitane最好用,

Sofina Rise 呢條 line已經停產了, 佢主要比一般肌膚用的,
加入了高度保濕成分,並通過細胞間脂質對皮膚發揮調理作用, 但比較清爽.
其實這枝化妝水係我買滿二千蚊join member的會員迎新禮物,
當時rise已經全系列停售, 只係當作贈品或滿額禮品,

LOLA 係一個美國化妝品牌黎, 佢主張係化妝品入面加入護膚成分,
等大家係化妝的同時既不傷害皮膚, 又可以護膚.
我係19歲之前一路都無化妝, 連base同防曬都唔搽,
其實我而家都極少化妝, 一般只係上防曬同埋base,