Etude House 柔棉細雪牛奶保濕身體乳 係我同油涼液+intensive cream一齊買, mop239/set
300ml大大枝, 我用咗三個幾月,
呢枝經過皮膚科測試, 敏感肌都用得
中間有個soap戈個框框ge意思係呢枝潤膚乳係五無,
無光磷化酸，無對羥基苯甲酸丙酯，無皂質 ，無色素，無乙醇,
達到藥用水平, 絶對適合敏感皮膚用
傳統泵嘴設計, 佢一泵可以泵好多出黎
裸手一隻
牛奶白色, 乳狀質地,
呢隻潤膚乳仲真真正正加入牛奶成份, 蘆薈及常春藤提取物,
對皮膚起到保濕, 滋潤及舒緩ge作用
佢陣味係我見到好多人係form問ge BB爽身粉味,
不過我覺得佢陣味太人工, 因為我每次用親佢我都會鼻敏感,
一路搽一路"嗤", 用到我超辛苦, 扣哂分!!
因為加咗蘆薈成份, 所以潤膚乳含水量都好高,
幾易推開
搽勻咗之後睇下啲手指反哂光, 好有光澤好潤,
呢隻潤膚乳持久度係到我第二日沖涼都仲好潤,
滋潤度係好好, 亦都無令我皮膚敏感,
但係搞到我鼻敏感,
所以我唔會再回購, 我深信大有潤而不致鼻敏感ge潤膚乳比我選擇!!
*所有圖片均為LAMA實物拍攝, 請尊重blog主, 切勿盜圖*lamlammummy 發表在 痞客邦 留言(0) 人氣(358)
Eminence 益生菌暗瘡面膜, 無錯啦無錯啦,
呢隻就係我之前介紹垂盆草面膜戈時講覺得好有效戈款面膜,
其實我一直以黎都無暗瘡ge煩惱, 青春期戈時一粒暗瘡都無出過,
點知過去半年一直受荷爾蒙失調困擾, 額頭經常爆細粒細粒ge瘡仔,
所以先開始接觸暗瘡護理產品, 而呢個益生菌暗瘡面膜就係我人生第一樣暗瘡護理產品,
用佢黎對付我皮膚ge"後青春期的叛逆"!!!!
我買戈時係mop159/15ml, 最近好似加咗價, 要mop165/15ml,
不過我只用佢係暗瘡上, 所以應該好耐用
呢隻因為唔常用, 所以我留返呢塊珍珠膜, 減少細菌入侵, 亦減低佢變質ge機率
主要成份：
酸乳酪，青瓜，乳木果，金盞花，黏土，垂盤草，茶樹油，專利生化複合™配方
全成份請點我
功效：
消炎，舒緩紅腫，去印和清潔黑頭
經臨床測試証明只需持續使用14天便能減退暗瘡和去印
用法係取適量面膜, 以1:1與清水混合, 塗上面待十分鐘後, 再以手沾水拍面, 再待五分鐘後清洗
---------------------------------------------------------------我是分隔線-----------------------------------------------------
以下有暗瘡照, 請做好心理準備
呢粒就係新起ge暗瘡, 好痛呀!!!!!!
因為我每次只用少少搽係粒暗瘡上面, 所以我唔會好似建議用法咁加水一比一混合,我係拎少少出黎, 搽咗係粒暗瘡度, 再點少少水上去稀釋佢
稀釋完就係好似上面咁啦, 感覺係涼涼地, 幾舒服
過15mins後會見到佢變成好似霜狀咁, 周邊皮膚乾咗 
day2敷完益生菌mask之後, 可以見到粒瘡有癑係入面, 敷之前好紅好大粒好痛, 敷完之後無咁痛同腫
day3敷完之後見到入面啲癑自己無咗, 我諗係個mask消炎奏效, 張相見到仲係好大粒,但其實真係已經細粒咗好多, 同埋一啲都唔痛啦
day4敷完之後見到佢乾咗水, 有塊小皮屑係上面, 一啲痛同腫都無哂啦
day5敷完之好似其他皮膚咁, 只係有少少紅紅地, 要等佢自己褪紅我敷咗5日就無改敷落去, 不時d暗瘡我要等佢超過一個星期先真正爆出黎, 但我只要係見佢想爆ge時候敷益生菌mask, 咁只需要五日左右就會好返,最快戈次係3日粒暗瘡就謝哂, 所以我真係覺得好有效,雖然佢加價後要mop165/15ml, 但係一次只需點少少就ok, 所以佢都好抵用,當然, 想更抵的話就唔好係港澳水貨舖買,只要你有credit card, 上外國網站買就真係抵好多啦!!強烈建議常備一罐係屋企旁身!!!!呢篇文我真係好用心機咁用咗一個禮拜打出黎, 因為我真係覺得好好用, 想share比各位有需要ge人士 lamlammummy 發表在 痞客邦 留言(1) 人氣(709)
Etude House 有機蘆薈保濕啫喱又係韓貨水貨舖送比我試ge,
佢話當化妝水咁用, 保濕好有效
含有90%蘆薈提取物, 仲通過咗USDA有機認證,
敏感肌都可以放心使用
一包仔都有成12ml, 我自己一包可以用成五次
乾到爆ge皮膚, 毛孔大得好得人驚
另外呢排仲傷風, 搞到個鼻甩哂皮, 好痛呀!!!
蘆薈啫喱係透明啫喱狀, 比nature republic戈隻gel 杰
一搽完啲毛孔全部飲飽水, 細返哂
lamlammummy 發表在 痞客邦 留言(0) 人氣(303)
同仁堂珍珠嫩膚面膜係香港萬寧開賣戈時,
我係discuss見到啲評價話ok,
等到澳門有就買黎試下,
mop29.9/5pcs, 價錢屬於平價面膜
但係講真, 我買戈時真係好驚, 買咗返黎都唔係太敢用,
始終國產貨, 我真係無咩信心,
呢個都係我一直唔會買olay ge原因, 因為大部份都係大陸生產, 好似無咩保證咁
請恕我井底之蛙, 我見到呢句野戈時真係呆咗,
"同仁堂有出護膚品ge咩?????" n個問號係頭頂,
呢個問題到而家仲未得到解決
雖然只係售價三十蚊唔到ge面膜, 但係包裝都絶不馬虎, 有印光貼紙封口, 張貼紙仲痴得好實tim
面膜真身ge包裝, 真係好中國風
背面有產品介紹及溫馨提示
下面係用法及生產地,
佢話敷20-30分鐘, 講真, 我真係唔敢敷咁耐, 我每次敷15分鐘就算
面膜仲有珍珠膜隔住, 方便提取及使用
呢隻面膜有包眼位, 但係我習慣唔會用黎敷眼, 我鐘意用返眼膜,
佢雖然有25g, 但係精華液含量唔多, 面膜比乾乾
面膜係棉質, 幾厚, 貼面度普普通通, 個鼻位對我黎講係短
敷完之後面上殘留ge精華液唔多, 無咩感覺,
都係貪新鮮試下, 我見而家萬寧仲有得買, 但唔會回購,
如果想買平價面膜我都係鐘意innisfree自然系列同埋森田藥粧
*所有圖片均為LAMA實物拍攝, 請尊重blog主, 切勿盜圖*lamlammummy 發表在 痞客邦 留言(1) 人氣(51)
Innisfree 薰衣草調理舒緩身體乳液係佢Relaxing Therapy戈條line,
除咗薰衣草外, 呢條line仲有玫瑰,
我戈時係同沐浴露一set買mop219/set
背面, 我唔知佢講緊咩~~
我好唔鐘意呢隻疑似鐵罐ge包裝, 第一, 唔知道枝lotion用剩幾多,
第二, 用到差唔多戈時"鄧"極都"鄧"唔出
第三, 我好肯定有好多痴咗係個樽入面, 浪費哂!
一枝有成240ml, 開頭以為好耐用, 但係我兩個月就ko咗佢
貫設innisfree ge設計, 樽蓋位會有innisfree個標誌
開口都比較大, 一次都倒幾多body lotion出黎
裸手一隻
開頭以為佢用哂, 點知"鄧下鄧下"都倒到咁多出黎, 上面個份量應該夠我搽一隻小腿,
可以見到佢係好淡好淡ge紫色, 都唔算好杰, 不過都幾潤
叫做吸收得快, 推咗幾下係隻手度就吸收咗大半
用完之後隻手完全潤哂, 同埋佢一啲都唔笠,
個效果都幾持久, 因為到我第二日沖涼戈時隻腳都係滑ge,
仲有陣薰衣草味真係好relaxing!!!!
*所有圖片均為LAMA實物拍攝, 請尊重blog主, 切勿盜圖*
lamlammummy 發表在 痞客邦 留言(0) 人氣(93)
我早在sasa未賣森田藥粧ge面膜前已經托朋友係台灣買森田面膜比我,
一度成為咗佢ge擁躉, 一個星期敷足三塊.
森田藥粧全日極保濕面膜係莎莎買mop59/10pcs,
佢啲面膜包裝向來都係走醫美風格
係全成份睇到佢成份唔係太複雜, 主要都係以保濕鎮靜為主
森田藥粧全系列產品都係由日本監製, 台灣製造, 個人認為質量絶對有保證
lamlammummy 發表在 痞客邦 留言(0) 人氣(803)
Innisfree 桑果眼部美白精華 含有豐富ge桑果提取物及有機農成份,
桑果提取物有效消除黑眼圈及上眼瞼ge暗沉膚色,
而有機農成份則有效保濕,
呢枝眼部精華係美白同時做到保濕真係唔錯
呢枝眼部精華唔止6無, 係7無,
無防腐劑,無人工色素,無曠物油,無酒精,無動物成份, 無人工香料
仲無二苯甲酮類成份,
絶對安全及放心使用
我習慣開新野戈時係盒上寫上日期, 咁我就會好清楚枝野用咗幾耐,
呢枝野係我個朋友去韓國戈時托佢買ge, 我自己試都未試過,
就一口氣叫佢買咗兩枝返黎, 每枝唯返mop140/30ml,
講真, 超抵用, 我一枝用咗差唔多一年, 第二枝到而家都仲未用哂
美白精華真身係膠樽狀
樽蓋有innisfree標誌ge雕花
係燈光下見到佢係真空泵樽, 咁樣可以減少空氣入去, 保持美白成份ge活性
泵嘴位, 個人認為個嘴太大, 我平時用半泵就足夠搽哂一對眼
lamlammummy 發表在 痞客邦 留言(0) 人氣(163)
St Clare MP3 粉刺速淨其實已經睇過好多好多台灣blogger介紹,
好似係12年港澳就有得買啦, 而我, 用咗一年先用得哂佢,
原因後面再講...
我戈時係萬寧買mop139/set
佢有兩款, 一隻係我買呢款, 一隻係竹炭控油
一set有三枝野, 後面會逐樣介紹
第一枝係深層粉刺淨化露, 成份及用法如上
細細枝20ml
第一次開封要自己剪開個封嘴, 衛生啲!!
我剪得好樣衰
個人認為呢枝野有助引導啲粉刺出黎, 同埋真係要按摩超過三分鐘先有效,
千祈唔可以貪快按兩下就算, 個效果差好遠ga
第二枝粉刺速淨面膜, 成份及用法如上
呢枝大枝啲有40ml, 但係呢枝野先係全set重點,
我用咗三次就用哂啦!!!
封口
個樣似塗改液, 但係超黏!!!!
我係會好細心咁真係敷到見唔到毛孔同膚色, 好似上面咁,
好啦, 我一年先用哂ge原因黎啦 -->
就係因為要敷到見唔到毛孔同膚色, 所以要敷到好厚,
我真係唔認為敷二十至二十五分鐘佢會乾同撕得出,
我每次最少要敷一個鐘, 係一個鐘佢先會乾同撕得出lor~~~~~
用完之後又一定要做返保濕面膜喎
我夜晚實在騰唔出咁多時間出黎, 所以我係幾個月先用佢一次
我二十幾年黎第一次拔粉刺, 我對於上面個成效真係唔係咁滿意,
點解我見d台灣blogger係滿滿ge粉刺林ga!!!!!!
面頰係數得出為數極少ge粉刺
額頭敷完佢之後整爆咗我粒瘡, 仲幫我拔埋眉, 撕出黎戈時痛到爆炸
第三枝係毛孔調理精華露, 成份及用法如上
都係20ml
係透明無色極稀ge液體
講真, 我用完唔覺得真係好收毛孔, 反而搽保濕精華個功效會西利啲
敷完呢個mp3後由於啲毛孔好大同乾, 所以一定一定要敷返保濕面膜,
補充水份後啲毛孔就會收細返,
而呢set野我付出ge時間同效果不成正比, 所以我用完呢set就算, 唔會再買
*所有圖片均為LAMA實物拍攝, 請尊重blog主, 切勿盜圖*lamlammummy 發表在 痞客邦 留言(0) 人氣(73)
Innisfree Water In Mask 系列 橄欖水潤面膜, 係平時水貨舖買要mop25/1pcs,
韓國買只係1500圜一塊, 價錢差超遠!!!!!!!!!!!!!!!!!!!!!!!!!!!!!!!!!!!!!
由正面包裝可以見到每塊mask精華液含量為18ml,
雖然精華液唔係好似一般面膜咁超過20ml, 但係敷完都覺得好夠用
lamlammummy 發表在 痞客邦 留言(0) 人氣(83)
Lancome 嫩肌活膚眼霜 係我幫mami買zen系列保濕面霜戈時,
多口問咗一聲ba, 邊隻眼霜真係可以去到紋, 佢即刻介紹咗呢隻比我,
由於我雙眼長期被我手指折磨(捽眼ge壞習慣), 已經出現咗好多紋啦, wuwuwuwu~~ 奈何改不了壞習慣
唔理咁多就敗咗佢啦, mop460/15ml,
雖然索價mop460, 但我由上年七月頭用到今年二月尾先用完15ml, 攤勻都唔算貴
後面係全成份 for reference
包裝係有質感ge玻璃小黑瓶
打開有保護蓋, 上面仲要好精細咁印咗lancome朵花上去
~~戈mop460一部份花咗係呢d精緻度上面
個眼部精華係白色, 其實無咩香味,
質感有啲似雪芭
裸手, 乾到反白
lamlammummy 發表在 痞客邦 留言(0) 人氣(739)
