kaka'L@m 護膚櫃

呢個都係之前介紹過20天curel深層保濕體驗套裝入面的產品
Curel 深層高效保濕面霜,
經過敏測試, 專為敏感肌而設ge面霜
雖然只係少少一盒仔, 但係包裝都絶不馬虎,
"蘊含「潤浸保濕Ceramide功能成分」及桉樹精華，能深入滲透至肌膚角質層，讓肌膚回復高密度滋潤狀態，感覺柔滑富彈性，同時有效抗禦外來刺激。
• 有效預防乾燥問題惡化
• 提升肌膚自我防禦能力，紓緩因肌膚乾燥引起的不適
• 深層高效保濕配方，用後依然感覺清爽"
--from 花王官網
印住含量為10g, 貨裝係40g, 用咗貨裝四分之一ge份量,
唔好睇佢細細盒, 可能因為係面霜ge關係,
我都用咗有成十次先用哂呢盒仔
裸手
見到佢唔似得一般面霜咁厚實, texture好軟綿綿, 仲有啲油份,
唔會好大陣香味

今次介紹Curel 水凝保濕乳液, 我總共用咗30ml x 3, 共90ml,

真係大頭蝦, 呢篇blog係尋日ga,
雖然publish咗, 但唔記得改時間,
所以仲停留係28-apr up相戈一日........
而家改返時間up返佢上黎先^^
--------------------------------------------------------------------------------------------------------
啱啱極爭取中午食飯時間, 去咗armani度做facial,
今次係前幾日咁啱行過armani, 上次買開野戈個ba見到我,
問我有無興趣做mop450 redeemable facial,
個facial仲會用上一塊價值mop130最新ge luminessence mask,
咁筍, 我師奶仔性格梗係book黎做啦.
全程45mins, 我仲訓著埋, 就知道個facial幾舒服,
跟住大家都知道無可能只買mop450走ge, 放低咗mop1530,
手滑了, 手滑了, 希望余總睇唔到啦~~
今次講已引入咗港澳多時ge Curel
Curel 深層保濕化妝水 & Curel 水凝保濕乳液 係套裝入面ge 中size samples黎,
戈時一見到屈臣氏有curel20日試用套裝, 啱哂我鐘意試新野ge性格, 同埋真係好扺
即刻買咗三套黎用, mop 130/1set,
包括:
豐盈泡沫潔面乳 90ml
深層卸妝啫喱 30g
深層保濕化妝水(II) 30ml
水凝保濕乳液 30ml
深層高效保濕面霜 10g
真係好扺ga, 我見而家仲有呢set賣
今次介紹Curel 深層保濕化妝水, 我總共用咗3枝x30ml, 共90ml,
貨裝一枝150ml, 我都用咗大半枝,
所以應該可以講下個用後感
背面寫咗產品簡單資料, curel係花王旗下, 日本製造,
"• 保濕成分(桉樹精華)能深入滲透至角質層，讓肌膚回復高密度水潤狀態，有效抗禦外來刺激
• 有效預防乾燥問題惡化
• 提升肌膚自我防禦能力，紓緩因肌膚乾燥引起的不適"
--from 花王官網
個封口唔大, 倒出黎ge份量ok,
雖然整個係膠製, 但質感唔錯哦!!
雖然係深層保濕, 但係都係好水狀, 流動性好高,
透明有少少香味
個人認人保濕效果以咁ge價錢黎講不過不失,
但係我冬天一定唔夠用, 冬天一定要用返傑戈啲化妝水,
以我鼻測應該係無酒精ge,
完全唔會敏感, 敏感肌可以放心使用.
*所有圖片均為LAMA實物拍攝, 請尊重blog主, 切勿盜圖*

Clinique 勻淨科研淡斑精華 係我上一年夏季ge美白精華,
不過攤到而家先寫文,
係專櫃買mop1520/ 50ml x 2, 仲有美白面霜同repairwear uplifting 各15ml &其他細枝samples送
點解買兩枝set裝??
因為ba話兩枝50ml為一個療程, 同埋我師奶仔性格,
買兩枝多d野送, 姑且試哂佢一個療程睇佢幾有效先?!
盒背為產品介紹
兩枝50ml貨裝,
"獨家CL-302複合配方，溫和有效的4段式美白作用，使用4週可明顯讓黑斑淡化1-2色階，
12週淡化斑點58%、整體膚色均勻度改善53"
-- from clinique官網
一貫clinique包裝, 成枝都係包黎
(突然發現我居然將枝精華擺係禪語上面影相, 不敬, 不敬, 無心之失)
樽背寫明通過敏感測試且100%不含香料
樽口吱頭設計
裸手
乳白色, 比一般精華傑, 我全面用會用五泵, 所以我一枝好似唔夠兩個月就用完
佢表明100%不含香料, 不過都有好淡好淡ge香味

Nature Republic 竹子面膜,
因為平時用開ge innisfree bamboo mask實在太太好用, 深得我心,
所以行nature republic戈時見到佢有bamboo mask,
就買返黎試下兩隻有咩分別, mop50/5pcs
mask背面係產品介紹,
呢隻mask精華液含量係23ml,
仲多過innisfree water in mask系列ge18ml,
算係精華液含量多ge mask

四月因為去咗個旅行同埋種種原因，好多空瓶呀！！
Innisfree 山茶花潤澤隔離霜 ，係水貨店度買mop189/50ml,
我寫咗專文，可重溫-->
Innisfree 山茶花潤澤隔離霜 Magic Floral Sheer Base

-----------------------------------------------------------------------------------------------------------------------------------
除咗上面戈啲護膚品之外，仲有英法大軍可以講講
shiseido枝頸霜未用哂，所以唔討論住，
Divinia amino acid facial cleanser係屆臣氏買， mop49/100g，
其實我係用剩三分一枝左右先再帶埋佢去旅行ge。
Divinia amino acid facial cleanser
﹣from COSDA
成份十分簡單
呢隻洗面膏一次擠３cm出黎就夠用，
我用手起泡係大泡泡黎，一啲都唔綿蜜，不過清潔力良好，
春天用洗後無乾感，我係英法咁凍用都唔怕乾，
但係佢主打胺基酸個代謝粉刺作用我真係唔多覺有效，
仲有要提一提係呢枝洗面膏建議放係乾爽ge地方，
保障胺基酸ge功效，但係我係洗手間洗面乾爽極都有限啦。
如果只求洗面乾淨得黎又唔怕乾，我覺得呢算係開架中平平地之選。
Clarins smoothing body scrub 係會員email換ge，用完之後皮膚有滑咗，不過我最愛ge身體磨砂係skinfood
<-- 遲啲有時間再寫專文
Kiehl's ultra facial overnight hydrating massage
<--已寫專文, 請按連結
Cure peeling係屆臣氏可以問人攞sample試用，係捽膠擦碎型peeling，個人認為佢捽ge擦子膠太多太大粒，
唔知啲健康角質會唔會去埋，唔係太好用
UGB peeling Gel係水貨舖送ge　sample，我真係好鐘意人蔘戈陣味，都係捽膠擦碎型peeling，
但唔會捽到太多同太大粒出黎，用後皮膚會乾淨咗
Skinfood orange conditioner係同事去完韓國送ge，一開就係一陣橙味，用後頭髮滋潤度有上升
Etude House silk scarf conditioner又係同事比ge，佢陣味真係太香太人工，我一開即鼻敏感，
同埋佢太傑，頭髮用後太潤，我極度唔鐘意！！
上面戈啲係我hand　carry，帶上機用ge護膚品，
clarins個防曬未用完唔討論住，
Biotherm purefect skin cleansing gel，Biotherm purefect skin purifying toner　﹠Biotherm purefect skin hydrating gel
係fb登記換ge，
我係機場先用gel洗咗個面先上機，佢呢條line真係好清爽同控油，
個toner有酒精，敏感肌慎用，我用後覺得比較乾，
個hydrating　gel都係好清爽，係機上用我覺得保濕度唔夠
Skinfood royal honey eye cream係同事比，好傑身好滋潤，真係啱哂係機上用，
中途要轉機都夠潤，眼周完全唔怕乾
Nature Republic eye cream都係同事比，都係傑身，但係滋潤度唔夠skinfood戈隻好，
同埋可能佢份子太大，唔係咁易吸收
之前講過biotherm個gel唔夠用，Dr. Wu 保濕凝露就係我中途轉機時再搽ge，
佢係透明好傑ge　gel狀，係機上用係ok，但平時用我會覺得太厚身太傑，有種焗ge感覺
Clarins Thirst Quenching Hydra Care Mask 5ml 係fb登記送ge,
其實我覺得clarins呢條line真係唔錯, 個serum同mask都真係好保濕,
用完手上ge野可能會買貨裝試下
Skinfood 覆盆子眼霜, 係水貨舖結業戈時送比我ge,
呢隻我係澳門冬天用都會起油脂粒, 但係我真係好好好鐘意佢陣中藥味,
係英國用第一日都想起油脂粒, 但係適應咗個天氣之後就唔怕, 幾潤,
不過真係唔適合港澳ge天氣用
Langie pore tight essence又係fb登記換, texture有啲似primer, 因為只用得兩包,
所以無咩收毛孔感覺
Langie Detox essence fb登記換, texture比較傑身, 好似乳液咁傑, 只用得一包, 無感
Shu Uemura保濕化妝水 4ml x 2, 用落真係幾保濕, 如果正貨價錢合理都可以買貨裝一試
上圖所有野都係平時幫襯開韓貨水貨舖結業戈時比我ge,
Missha marine stem cell control emulsion 5ml x 3 & Missha marine stem cell active toner 5ml x 3
個toner係比傑身, 個lotin係港澳都算係潤ge,
但係去到英國真係唔夠, 半夜起身我會補搽,
感覺無咩特別, 應該唔會試貨裝
Missha marine forest revitalizing emulsion 5ml x 3 & Missha marine forest refining toner 5ml x 3
呢條line比係上面戈條ge清爽版,
個toner偏水狀, lotion亦比較清爽,
個人認為呢隻適合港澳秋天用, 冬天滋潤度都係唔夠高.
係法國濕度比英國高, 但係都唔夠用, 好普通
Etude house skin mal:gem toner 5ml & Etude house skin mal:gem lotion 5ml
呢隻完全係港澳夏天用就ok,
個toner果香好好聞, 個lotion係超級清爽,
我係法國一晚可以搽半枝都唔夠力
vichy未開黎用, 唔討論住
Shu Uemura green tea cleansing oil 4ml x 3係fb登記換,
都係同以前用su 卸妝油一樣, 去到英國都係唔啱我用,
用完都係出粉刺, 我覺得係佢個底油唔適合我皮膚,
雖然好多人話好用, 佢個琥珀卸妝油都一度燒到我洪洪烈火,
始終護膚品係人夾人, 我係絶對唔會買佢ge貨裝黎試
Shiheido perfect face cleansing oil 20ml係shisheido滿額禮,
佢係超傑身卸妝油, 流動性好低, 好難推,
我一次要用好多先可以推勻全面,
同埋乳化效果唔係咁好, 所以我覺得佢卸得唔多乾淨,
唔會買貨裝試
上面全部都係剪雜誌coupon換ge, 估唔到我一次拎三張去, 佢換咗三套比我,
clarins 啲ba都幾大方, 其實我本身想幫佢寫專文,
但係日日攰到不得了, 用哂都唔記得影相
Clarins White Plus intensive brightening serum 2ml
係最新出ge鏡光美白精華, 質地似primer, 透明,
用落好舒服, 唔怕乾得黎又唔笠, 不過只用一包, 美白效果不明
Clarins White Plus HP intensive brightening serum 2ml x 9
呢隻美白精華比較傑身, 似lotion, 有一陣淡淡花香,
不過佢唔夠英法啲陽光鬥, 我都係黑住返黎
Clarins White Plus HP whitening moisture day emulsion SPF20 2ml x 9
呢隻美白日用乳液係最得我心, 佢陣味好清好清,
同埋質地超輕薄, 搽上面好舒服, 但係係英國用唔夠防曬力度,
我覺得係澳門返office工ge都夠力應付, 想買貨裝試
Clarins White Plus HP whitening repairing night cream 2ml
個cream唔怕好傑, 而家天氣夜晚用都夠保濕,
但英國就唔夠潤,
不過只用一包, 美白效果無感

Clarins 挺胸緊緻乳霜 係我第一次用clarins呢個品牌嘅野, mop450/50ml,
其實我買佢ge目的係firm返個胸, 因為我去開買bra戈個阿姨話我啲肉本身好鬆,
雖然心口都叫有肉, 但係個胸型唔好睇.
所以就買佢返黎幫補一下啦.
產品說明
真身係好有質感ge磨砂玻璃樽, 都幾重手,
做戈時要小心啲, 好易手滑跌爛佢
印象中係寫住開封後十二個月用完,
Clarins 挺胸緊緻乳霜
-- from COSDNA
因為係用係胸部, 胸部比較多淋巴腺體,
所以我一定會用返啲成份比較天然ge大牌子,
起碼可以確保化學物含量較低, 較有保証, 用落都安心啲.
泵嘴再加多個安全鎖, 要擰向右邊先按到啲乳霜出黎
泵嘴都幾大, 所以有時會積咗啲乳霜係嘴位結成一塊塊,
我一般用完後會清潔一下個泵嘴位
應該係房間黃光燈影響, 佢係乳白色, 質地都幾厚身
搽開後見到好有光澤, 滋潤度好夠.
其實係我上年秋天買黎用, 但中間個冬天太凍, 所以停咗無用.
秋天每晚都用, 大大話話都用咗兩個幾月,
我一次用8泵, 先每邊打圈塗上4泵,
再按說明書展示以打横8字型ge手勢按摩胸部,
係無任何運動ge配合下,
其實firming個效果真係好好明顯,
我可以話只要三四日就感覺到個效果,
<--可能我個胸啲肉真係太鬆
而且有埋潤膚ge作用, 唔錯
但我前幾日擰返出黎諗住用, 佢居然成枝變咗質,
按出黎有啲黃色膠狀物, 按咗好多泵都係咁,
所以我唔敢再用, 我諗佢個開封後期限無十二個月咁耐,
應該係六個月之內用哂比較有保障.
如果想firm胸又有恒心的話,
呢枝挺胸緊緻乳霜絶對係一個好好嘅選擇,
假若我再買胸部護理產品, 佢會係我ge不二之選
*所有圖片均為LAMA實物拍攝, 請尊重blog主, 切勿盜圖*

旅行之後返黎真係好忙, 其實我都唔知點解會咁忙,
個喼居然可以到而家都未執完,
更枉論戈一大堆ge戰利品同埋幾千張相,
我真係好想好想寫返個英法遊記, 記得旅途中嘅點滴.
今日主題係Innisfree 山茶花潤澤隔離霜 <-- 個名係我自己亂作ga ^^
個包裝盒已經有歲月ge痕跡.
呢枝隔離霜含有山茶花及綠茶精華,
有滋潤, 美白, 抗氧化同保濕ge作用 <-- 好似好西利咁,
但我一向唔會太依賴添加護膚成份ge非護膚品, 有就當bonus,
反正我日常ge護膚品都滿足到我的需求

Dr. Wu 杏仁酸亮白護膚精華 係萬寧買mop2xx/15ml,
仲要等咗成個月有多先有貨,
我只係係夏天先會用杏仁酸, 而我用佢ge目的係清暗粒,
呢隻杏仁酸濃度係18%, 叫中間值, 唔會太濃

我只可以話我本人對於護膚品真係有addiction,
英國同法國買返黎戈堆護膚品仲係個喼入面未執,
返到黎澳門又去咗八佰伴報到, 仲帶咗一大堆野返黎,
被我老公知道實話死我~~~~~~
呢排佢已經忍唔到我買埋買埋咁多護膚品,
開始每日一小問 "你驚唔驚用到爛面?????"
意圖用恐嚇ge方式黎阻止我再買護膚品, 但係我真係戒唔到呀!!!!!!!!!!!
講得太多廢話, 睇下今期我又敗咗咩返屋企
其實我本身ge目的只有一個, 就係買卸妝油, 因為屋企已經無哂庫存啦!!! 想試下其他牌子.
因為我真係好驚卸完好油ge卸妝油, 所以我期本上都會試咗先買,
點知個ba服務態度極之好, 幫我做哂應做ge野, 再卸得好溫柔好乾淨,
咁就順便試埋之前想買alblanc戈枝美白按摩面膜, 佢又係好溫柔, 我個心都比佢啲手勢溶化咗啦,
反正都要買一次過買埋佢啦,
佢又同我講而家做緊九折, 下個月無啦 (事後閨蜜提醒: 一直都係超過咁金額就有九折優惠!!)
買埋用過佢上一代ge控油base同埋試下佢個新ge美白防曬.
之前見到不少人話sofina防曬無效, 用咗都出斑, 其實我前前後後用咗五至六枝花花牙膏形防曬,
罐骨位係有斑, 但我無話好似以前一到夏天就黑到不得了,
所以比多次機會, 試下呢個防曬
上面總共敗咗mop1134,
買滿1180仲有把防uv遮送, 咁啱我用開戈把斷咁,
順便幫我慳返兩百幾蚊買遮錢!!!
把遮同下面一排都係送ge, 個人認為都送得幾多samples,
佢仲好friendly咁幫我做咗skin test, 除咗油脂比較低之外,
樣樣都比年齡平均數值好, 血色好高分,
但因為啱啱係日照時間長ge英法返黎, 皮膚底層黑色素激多,
我要努力美白先得啦!!!!