Innisfree 桑果眼部美白精華 含有豐富ge桑果提取物及有機農成份,
桑果提取物有效消除黑眼圈及上眼瞼ge暗沉膚色,
而有機農成份則有效保濕,
呢枝眼部精華係美白同時做到保濕真係唔錯
呢枝眼部精華唔止6無, 係7無,
無防腐劑,無人工色素,無曠物油,無酒精,無動物成份, 無人工香料
仲無二苯甲酮類成份,
絶對安全及放心使用
我習慣開新野戈時係盒上寫上日期, 咁我就會好清楚枝野用咗幾耐,
呢枝野係我個朋友去韓國戈時托佢買ge, 我自己試都未試過,
就一口氣叫佢買咗兩枝返黎, 每枝唯返mop140/30ml,
講真, 超抵用, 我一枝用咗差唔多一年, 第二枝到而家都仲未用哂
美白精華真身係膠樽狀
樽蓋有innisfree標誌ge雕花
係燈光下見到佢係真空泵樽, 咁樣可以減少空氣入去, 保持美白成份ge活性
泵嘴位, 個人認為個嘴太大, 我平時用半泵就足夠搽哂一對眼
呢度絶對係多過我平時一對眼ge用量,
係白色, 比一般精華杰及乳液杰, 但係一啲都唔怕厚重
裸眼, 請忽視我ge眼紋, 因為我由細到大都改唔到捽眼ge壞習慣
點點點點, 一點點咁點係眼周, 再用無明指輕力拍勻佢
拍完之後見到滋潤度提升咗, 我由二零一一年八月到而家一直用緊呢枝眼部精華,
個人認為佢消除黑眼圈ge作用就普普通通, 但係保濕效果唔錯.
係我迷上用蒸氣眼罩ge時候, 我發現咗呢枝眼部美白精華另一個秘密,
我見無人講過, 連ba都無講過有呢個功能
就係我有次用咗蒸氣眼罩幾分鐘之後醒起自己有野做, 除低個眼罩戈時發現上面有少少淡粉紅色,
咁一定係呢枝野ge問題, 我就即刻攞枝野出黎試下啦,
我吱咗少少出黎, 用手指搓咗幾下,
美白精華本身係白色, 但遇熱後會變淡粉紅珠光色,
我諗就係呢樣功能, 所以佢好似修飾乳咁有減淡同修飾黑眼圈ge作用,
朝早用戈時就可以做到保養同時遮少少暇啦.
*所有圖片均為LAMA實物拍攝, 請尊重blog主, 切勿盜圖*
全站熱搜
留言列表
