close
Nature Republic 蘆薈舒緩保濕凝膠 係nature republic ge皇牌產品,
佢主張身體多個部份都可以用, 臉, 身體, 頭髮等等等等......
我係係澳門新開ge nature republic專門店買, mop44/300ml, 多買多平
背面係全成份, 同埋一啲啲中文翻譯, 個人認為呢個牌子d中文翻譯極之唔流利同精準, 成日都好難理解
可以係個成份表度見到有酒精同香料,
我本來買佢ge原意係用係面作舒緩鎮靜ge, 睇完個成份之後就唔敢用啦,
取而代之, 我用係 頭髮 度, haha~~
呢個蘆薈膠含有92%蘆薈粹取物及維他命c, 有保濕同鎮靜ge功效,
睇下佢texture同一般蘆薈gel無異, 不過比較水, 流動性好大, 好易推,
味道係有一陣清新ge蘆薈味 (謎之音: 點解仲要加香料??)
將上面戈一匙放係手度, 可能因為體溫ge關係, 佢會變稀
將佢推開哂就好似上面張圖咁, 好清涼ge感覺
放咗三分鐘之後, 再推兩下就完全吸收哂
至於我將蘆薈膠用係頭髮ge方法:
好似平時咁用洗頭水洗乾淨個頭之後, 直接用大量蘆薈膠取代護髮素搽係頭髮(但不搽頭皮),
紮起d頭髮, 靜待10-15mins (通常我會係呢個時間做身體磨砂等身體護理)
10-15mins後用溫水洗淨, 抺乾啲頭髮後用風筒吹乾
蘆薈膠用係頭髮ge用後感:
因為本人好唔鐘意用完護髮素後油笠笠ge感覺, 用蘆薈膠後頭髮比較清爽,
吹乾後把頭髮唔係用完護髮素戈隻潤ge感覺, 而係feel到髮絲係濕濕ge, 含水份,
用後成把頭髮係順同滑ge, 不錯!!
一盒蘆薈膠可以比我洗10次, cp值幾高.
小建議:
個人覺得用後頭髮ge順滑度真係取決於個蘆薈gel停留係頭髮上時間ge長短,
我都試過貪快幾分鐘就洗哂佢, 之後頭髮係好乾, 同無用完全無分別,
用哂一盒覺得15mins呢個時間剛好, 做完出黎有效果!!!
*所有圖片均為LAMA實物拍攝, 請尊重blog主, 切勿盜圖*
全站熱搜
留言列表
