close
Kiehl's 特效晚間保濕面膜係上年年尾出ge新品,
因為之前用同系列ge lotion用到我爆哂瘡, 所以我抱住一試ge心態帶咗佢貨裝返屋企,
mop320/125ml, 就容量而言算幾抵
個ba同我講一個星期用兩次, 因為佢好保濕, 所以係洗完面後拍爽膚水就直接搽佢, 唔使再搽其他野
官方使用說明*:
第一步：晚上睡覺前，於潔淨的肌膚塗抹厚厚一層特效晚間保濕面膜。
第二步：等候十分鐘。
第三步：以紙巾或毛巾抹走多餘的面膜，剩下少量於面上，以在晚間持續補充肌膚水份。
第四步：讓面膜在您睡眠時發揮保濕功效。 第五步：翌日起床後，可如常進行日常護膚程序。
建議每星期使用一次。
*剛開始塗上面膜時，由於產品發揮功效，可能會有和暖及微刺的感覺。
* from ubeauty
上面係一邊面頰ge份量, 乳白色gel狀
可以見到佢一啲都唔杰, 流動性幾高, 好易推
搽勻一隻手後, 會感覺到微微刺痛, 係產品入面成份產生緊活性反應
15mins後雖然仲見到一層gel係手背,但可以見到隻手吸收咗好多
用化妝面抺乾後會感到仲有少許黏ge感覺, 但明顯見到乾紋淡咗
再過水後見到比裸手明顯有光澤, 同埋三角紋理出返哂黎
事原係因為我初頭按ba建議只拍爽膚水做overnight, 但係第二朝起身超級痴笠, 仲要爆埋瘡
我已經驚驚地, 唔通呢條line真係唔適合我, 個lotion又會令到我爆瘡, 而家呢個又令到我爆瘡
再過咗一個星期, 我比多一次機會佢, 今次拍完爽膚水, 我再上埋比較清爽保濕ge基礎護理再用佢,
第二朝一樣照同我爆瘡, aiiiiiiiiiiiiiiiiiiii
咁大罐又唔想浪費, 於是我改變用法,
都係一個星期用兩次, 但係我當佢rinse mask咁用,
用法:
沖涼前潔顏後以按摩手法搽上佢, 臉頰隨即有微微刺痛感,
10-15mins後先用化妝棉輕輕抺走,
用清水洗乾淨, 再作晚間基礎護理
一星期用兩次
用後感:
我無比個masque係我塊面到過夜之後,
一直用哂成罐我都無再爆過瘡,
用清水洗淨明顯見到塊面含水量高咗,
後續護膚品易吸收咗
p.s. 我發現用到後尾少少, 戈種刺痛感無咗, 唔知係皮膚含水量多咗, 定係皮膚適應咗佢入面d成份而無咗反應呢?
*所有圖片均為LAMA實物拍攝, 請尊重blog主, 切勿盜圖*
全站熱搜
留言列表
