其實呢個Lola 百變彩妝寶盒係2009年聖誕節出, mop580/ box
我係2010年, 但係我擺下擺下, 擺到前排先拎佢出黎用
我平時真係唔太化妝, 只係見佢限量得黎, d內容物又好實用我先入手
盒面係佢紅黑ge風格, 但其實呢個質料設計好易令到個盒花哂同好多手指模係度
佢係三層扭曲設計, 搞掂底妝之後呢一盒可以完成哂成個彩妝!!!
第一層係唇彩, 右手邊戈個位本身放咗個唇掃, 我都唔知佢去咗邊,
同埋佢打開每層都會有塊鏡, 好方便!!!!
呢個係黃光下影ge唇彩顏色, 中間戈兩隻係透明色, 搽出黎唔會好深色, 我接受到
lola d唇彩一向都幾滋潤, 就咁用佢都唔怕起哂唇紋,
提一提: 呢隻係普通唇彩, 唔係pump戈隻
呢個係紙巾上ge試色, 最深色係右上角戈隻, 比較成熟,
個人認為上排一同下排一, 二係最易襯同常用色
第二脂係胭脂, 其實佢兩隻色都係偏橙色系, 好啱我呢d膚色ge人用,
仲咁啱有我最鐘意ge afternoon delight, 下面戈個胭脂掃好刺面, 我平時唔會用佢黎上胭脂ge,
同埋睇相都睇到佢飛粉有幾嚴重, 我每一次用完都要抺一次!!!
呢個係紙巾試色, 其實我係超重手, 想試出黎個效果出d
一個係桃色, 一個係橙紅色,
其實我自己都係用右手邊戈隻色多
最底層係眼影, 其實都見到係d大路色,
同胭脂一樣, 飛粉情況嚴重
紙巾試色,
粉紅色其實都好易化到眼腫, 所以無咩點用佢,
最多係用三隻大地色, 有時加金色做重點, 或者下排一做打亮色或打底
試上手, 首先上咗canmake eye base
六隻色上哂, 上咗eye base後d眼影會實色d同埋持久好多,
其實隻金色真係幾靚,
化咗上眼度都唔怕好易溶
成盒野以mop580黎講真係算好抵用, 不過下下要抺返乾淨d粉真係好annoying
*所有圖片均為LAMA實物拍攝, 請尊重blog主, 切勿盜圖*
全站熱搜
留言列表
