Utena Puresa 櫻花玻尿酸超貼服面膜係我第一款買Utena家ge面膜,
之後仲陸陸續續買咗珍珠同玫瑰, 整個系列係萬寧同屈臣氐都有得賣, mop75/5pcs,
櫻花玻尿酸超貼服面膜應該係整個 Puresa 系列最新登場的一款面膜,
係盒右上方ge貼紙可以知道呢隻面膜榮獲日本cosme 2012美白面膜大賞第一位,
絶對係信心保證.
盒背面列出咗呢款面膜兩樣主要成份櫻花精華同透明質酸,
櫻花精華由櫻花及櫻花葉提取,
其中櫻花有美白的作用, 而櫻花葉就有消炎抗菌的作用
呢個係佢個開封口, 可能我唔識開, 每次開親都價整爛哂成個盒
一盒有五塊面膜
包裝上寫明無人工色素
背面有全成份及用法,
一片有15ml 精華液, 算精華液量少ge面膜
拎出黎見到面膜紙比較薄, 面膜紙採取多層織法,
緊緊鎖住營養成份,
陣味係好清好淡ge花味, 應該無加人工香料
見到個面膜剪栽幾貼面, 有包眼位設計, 但我唔慣用埋面膜ge包眼位, 我會另外用眼膜,
鼻位長度適合我, 連鼻頭都可以覆蓋到, 但係鼻翼位唔係太適合,
所以我會將袋內的精華液(超少!!)集中搽係鼻翼
敷完15mins之後, 見唔見到皮膚超飽滿, 含水量大增,
最重要係光澤度大大提高, 膚色白咗最少一度,
我一般一個星期敷一次呢隻面膜, 個效果大概維持到兩日, 不過不失,
我會試哂佢全系列ge面膜.
p.s. 我閨蜜用玫瑰戈隻話酒精味好重, 但我用呢隻唔怕, 買之前睇清楚係咪有酒精成份, 敏感肌慎用
*所有圖片均為LAMA實物拍攝, 請尊重blog主, 切勿盜圖*
全站熱搜
留言列表
