無返兩個幾禮拜實在要pick up返好多野,
特別係update返d人際關係圖 *~*
今日終於有時間update個blog.



Clinique 紫晶眼唇卸妝露 (台灣好似將佢紫色卸妝戈條line都叫"紫晶")
呢枝係旅行裝, 其實我極少化妝, 見到個size啱哂看門口先買佢,
我係卓悅買mop38/30ml, 專櫃貨裝係160/125ml,
個人認為個價錢都算合理.



包裝係膠身, 但係蓋係安全蓋黎, 即係要按住佢先擰得開,
因為用剩少少先記得影相,
但其實佢係明顯ge水油分明狀



真係得好少, 大家將就黎睇啦,
搖勻之後變咗洗米水色



呢枝旅行裝最唔好處就係個開口大到不得了,
我第一次用唔為意, 一次倒咗成五分之一枝出黎, 浪費哂,
唔知貨裝個開口設計係咪又係咁差呢?



今次用咗以上化妝品黎測試佢ge卸妝效能, 包括:
ipsa三色遮暇盤
lola trio eyeshadow 三色眼影
fasio睫毛液
mj眼線筆




由上到下係眼線筆, 眼影同睫毛液,
底部係遮暇膏



因為卸眼唇我一定會用化妝棉黎卸, 所以今次都用卸妝棉黎測試



我卸眼ge方法係先敷係對眼度10秒左右,
再隔住棉輕力按摩眼部,
再輕力揉眼周皮膚,
再逐少逐少按壓上睫毛同下睫毛



上面係敷咗10秒再輕力按化妝棉ge效果,
見到棉上己卸咗不少化妝品出黎



再輕力揉兩下已經卸哂啲化妝品,
連超難卸ge mj 同fasio都輕而易舉地ko!!!!
卸後見到手背仲有少少油光



過一過水, 油光即時無哂, 好清爽, 全無油膩感,
我影結婚相戈時個化妝師話比我知我係油眼人,
但呢個卸妝油連我呢個油眼人都覺得完全無問題,
呢枝眼唇卸妝油卸得又乾淨, 又清爽, 專櫃價錢黎講絶對唔貴,
如果我唔係因為太少化眼妝, 我會考慮買貨裝,
不過如果我見到佢ge旅行裝, 我相信我會回購!!!!

*所有圖片均為LAMA實物拍攝, 請尊重blog主, 切勿盜圖*
 
 
arrow
arrow
    全站熱搜

    lamlammummy 發表在 痞客邦 留言(0) 人氣()