Dr. Wu 杏仁酸亮白護膚精華 係萬寧買mop2xx/15ml,
仲要等咗成個月有多先有貨,
我只係係夏天先會用杏仁酸, 而我用佢ge目的係清暗粒,
呢隻杏仁酸濃度係18%, 叫中間值, 唔會太濃
聲稱一枝有五大煥膚效能,
當然正如我上面講, 我只係用黎清暗粒,
其他功能我有用其他專門products
盒背寫咗佢ge主要成份, 有杏仁酸同其他美白保濕ge成份,
佢寫一個星期用兩至三次,
而我就一個星期用兩次
玻璃樽滴管狀,
因為含酸, 所以一定要用玻璃樽先可以好好儲存,
而且我會將佢擺係完全曬唔到太陽ge地方,
防止佢啲有效成份被分解, 降低其效能
佢枝滴管幾順, 唔怕卡住同啜住,
我一般一次一管用全面
見到係有少少黏稠ge透明狀液體,
杏仁酸係潔膚後第一道護膚程序,
我一般會係用杏仁酸戈兩日用成份最簡單ge保濕型化妝水, 精華同面霜,
摒棄平時用開ge美白line,
雖然佢有講白天同晚上都可以用,
但係我怕酸類有吸光ge作用, 所以我朝早係唔會用杏仁酸, 免得反黑.
另外, 我親身經驗係用完杏仁繼續進行其他基礎護理,
搞到眼周有小脫皮 <-- 應該係因為酸ge作用
所以奉勸大家用完要即刻洗手先再進行其後ge護膚步驟
除咗眼周外, 我用咗佢幾日, 隻手大脫皮,
後來我一搽完即洗手就無咗脫皮ge問題
我無用過其他牌子ge杏仁酸,
不過由上面戈段都可得知佢煥膚效能不俗,
我用咗佢戈四個月, 暗粒真係清得七七八八,
同埋第一次上面都完全唔會有刺痛感,
一入秋就停用, 怕會太乾.
最後ge溫馨提示係,
呢枝杏仁酸要係六個月入面用完,
我就係上年用剩三分之一諗住今年繼續用,
前幾日拎返出黎諗住用,
點知咁啱睇到佢寫開封後六個月內用完,
浪費哂!!!
*所有圖片均為LAMA實物拍攝, 請尊重blog主, 切勿盜圖*
全站熱搜
留言列表
