旅行之後返黎真係好忙, 其實我都唔知點解會咁忙,
個喼居然可以到而家都未執完,
更枉論戈一大堆ge戰利品同埋幾千張相,
我真係好想好想寫返個英法遊記, 記得旅途中嘅點滴.



今日主題係Innisfree 山茶花潤澤隔離霜 <-- 個名係我自己亂作ga ^^
個包裝盒已經有歲月ge痕跡.
呢枝隔離霜含有山茶花及綠茶精華,
有滋潤, 美白, 抗氧化同保濕ge作用 <-- 好似好西利咁,
但我一向唔會太依賴添加護膚成份ge非護膚品, 有就當bonus,
反正我日常ge護膚品都滿足到我的需求



盒背寫咗產品介紹, 但韓文我不懂了~
而我影佢ge目的係show佢個價錢出黎,
都係係我平時買開ge水貨店度買mop189/50ml,
講真, 韓牌隔離霜呢個價錢真係唔算平,
不過因為我係innisfree ge fans, 所以抱住一試ge心態買佢返黎.



呢枝隔離霜都係標榜6free, 不厭其煩地提多次,
係無防腐劑,無人工色素,無曠物油,無酒精,無動物成份, 無人工香料ge意思,
敏感肌都用得,
自從追求成份比較天然ge護膚品後,
連化妝品都會想試下啲無咁多化學物質ge, 雙料齊下保護皮膚



山茶花潤澤隔離霜係泵嘴牙膏狀, 仲話係真空管, 可以確保內容物被充份利用, 唔會浪費,
但係我用落覺得係唔可以完全吱哂出黎,
所以如果真係唔想浪費, 應該係吱唔到出黎戈時剪開佢, 剩返戈啲最少夠用多一個星期.



裸手一隻



上面係兩泵ge份量, 一般我兩泵可以用全面, 用太多塊面會反哂光,
佢係一般隔離霜ge質地, 含珠光ge粉膚色,
可起到少許調色及潤澤ge作用



專登搽開佢比大家睇下個珠光ge效果,
真係幾令同好有光澤



搽開後ge手反哂光, 皮膚好似好好咁,
但係切忌用太多, 會令到塊面滿面油光,
同埋佢雖然係粉膚色有少許調色作用,
但係唔好指望佢可以遮到好多瑕疵, 只可以令你整體膚色均勻啲.
我平時如果有時間會係用完佢之後上碎粉,
個效果會好啲, 但當然唔適合化全妝ge你地,
只適合懶同比較隨性ge我. ^^

最後補充係呢枝隔離霜係無防曬度數ga,
所以用佢之前一定要做好防曬程序先呀.

*所有圖片均為LAMA實物拍攝, 請尊重blog主, 切勿盜圖*
arrow
arrow
    全站熱搜

    lamlammummy 發表在 痞客邦 留言(0) 人氣()